بھارت
بھارت : جھارکھنڈ میں مائونوازوں نے کئی گاڑیاں نظرآتش کردیں
جھارکھنڈ: بھارتی ریاست جھارکھنڈ میں پولیس نے کہا ہے کہ مشتبہ مائونوازوں نے ضلع گملا میں باکسائٹ کان کے قریب کھڑی کئی گاڑیوں کو نظرآتش کردیا۔
بھارتی ذرائع ابلاغ کا کہناہے کہ یہ واقعہ پیر کی رات پیش آیا جب ڈمپر اور ٹرک سمیت سات گاڑیوں کو آگ لگا دی گئی۔ایک سینئر پولیس افسر نے بتایا کہ یہ واقعہ پیر کی رات کو پیش آیاجب گھاگرا کمیونٹی ڈیولپمنٹ بلاک میں سیرنگ ڈاگ باکسائٹ کان کے قریب ڈمپروں اور ٹرکوں سمیت سات گاڑیوں کو نذر آتش کر دیا گیا۔انہوں نے کہاکہ مائو نواز تنظیم کے ارکان کو پکڑنے کے لیے تلاشی مہم شروع کردی گئی ہے۔انہوں نے کہاعلاقے میں فورسز اہلکاروں کی اضافی نفر ی تعینات کردی گئی ہے۔
