پاکستان
اقوام متحدہ بھارت میں اسلامی مقامات کے تحفظ کیلئے اپنا کردار ادا کرے ، پاکستان
اقوام متحدہ:پاکستان نے اقوام متحدہ پر زوردیا ہے کہ عالمی ادارہ بھارت میں اسلامی مقامات کے تحفظ کیلئے اپنا کردارادا کرے ۔
کشمیرمیڈیاسروس کے مطابق اقوام متحدہ کے تہذیبوں کے اتحاد کے اعلیٰ عہدیدارمیگوئل اینجل موراتینوس کے نام ایک خط میں عالمی ادارے میں پاکستان کے مستقل مندوب منیراکرم نے کہاکہ دلی میں قائم صدیوں پرانی مسجد کی شہادت بھارت میں اسلامی عمارتوں اور ورثے کوہدف بنانے کی خطرناک مہم میں ایک اور تشویشناک باب کا اضافہ ہے ۔ انہوں نے کہاکہ یہ واقعہ ہندو انتہا پسندی میں اضافے کی عکاسی کرتا ہے ۔منیر اکرم نے کہاکہ بھارتی حکومت کی پشت پناہی میں جاری ایسے واقعات سے بھارتی مسلمانوں کی سماجی ، معاشی اور سیاسی زندگی کوشدید خطرات لاحق ہیں۔
