مقبوضہ جموں و کشمیر
بھارتی فوجیوں نے کپواڑہ میں ایک نوجوان شہید کر دیا
سرینگر:غیرقانونی طورپر بھارت کے زیر قبضہ جموں وکشمیرمیں بھارتی فوجیوں نے ضلع کپواڑہ میں ایک کشمیری نوجوان کو شہید کر دیا۔
کشمیر میڈیا سروس کے مطابق فوجیوں نے نوجوان کوضلع کے علاقے زچلڈارہ میں محاصرے اور تلاشی کی ایک پر تشددکارروائی کے دوران شہید کیا۔بھارتی پولیس کے ایک افسر نے صحافیوں سے بات کرتے ہوئے دعوی کیا ہے کہ تلاشی آپریشن کے دوران ایک عسکریت پسند مارا گیا جس کی شناخت ابھی تک نہیں ہو سکی ہے۔آخری اطلاعات آنے تک علاقے میں فوجی آپریشن جاری تھا۔
