مقبوضہ جموں و کشمیر
سرینگر : نوجوان شدید زخمی حالت میں برآمد ، گلے پر گہرے زخم
سرینگر:
بھارت کے غیر قانونی زیر قبضہ جموں وکشمیر میں سرینگر میں ایک نوجوان زخمی حالت میں ملا ہے جس کا گلے پر گہرے زخم ہیں۔
کشمیر میڈیا سروس کے مطابق پولیس نے سرینگر کے علاقے چھانہ پورہ بائی پاس کے قریب سے ملنے والے نوجوان کوزخمی حالت میں مقامی ہسپتال منتقل کیاگیا۔ نوجوان کی شناخت سیار بلال کے طور پرہوئی ہے جو بٹہ مالو سرینگر کا رہائشی ہے۔ابتدائی تحقیقات کے مطابق نوجوان نے دانستہ طورپر خود کو زخمی کیا ہے۔ہسپتال کے حکام نے تصدیق کی ہے کہ سیار انتہائی نگہداشت کے یونٹ میں زیر علاج ہے اور اسکی حالت تشویشناک ہے۔پولیس نے واقعے کی تفتیش شروع کر دی ہے۔
