بھارت
امرتسر: نائب وزیر اعلیٰ پر فائرنگ
امرتسر: بھارتی پنجاب کے سابق نائب وزیر اعلیٰ اور شرومنی اکالی دل (ایس اے ڈی) کے رہنما سکھبیر سنگھ بادل آج اس وقت قاتلانہ حملے میں بال بال بچ گئے جب امرتسر کے گولڈن ٹیمپل میںایک شخص نے ان پر اس وقت گولی چلائی جب وہ ”سیوا“ کر رہے تھے۔
کشمیرمیڈیاسروس کے مطابق ملزم کی واقعے کی سی سی ٹی وی کیمرے میں محفوظ ہونے والی ویڈیو کی مدد سے شناخت کر لی گئی ہے ۔ ویڈیو میںنارائن سنگھ چورا نامی ملزم کو وہیل چیئر پر بیٹھے سکھبیر سنگھ بادل پر پستول سے فائرنگ کرتے ہوئے دیکھا جاسکتا ہے۔ فائرنگ میں نائب وزیر اعلیٰ محفوظ رہے۔گولی دیوار پر جالگی ۔
