مقبوضہ جموں و کشمیر
سرینگر: دارالخیر میر واعظ منزل کاآتشزدگی کے واقعے میں گھروں کی تباہی پر اظہار افسوس
سرینگر: بھارت کے غیر قانونی زیر قبضہ جموں وکشمیر میں دارالخیر میر واعظ منزل سرینگر نے شہرکے علاقے چھتہ بل میں آتشزدگی کے ایک ہولناک واقعے میں تین رہائشی مکانات اور لاکھوں روپے مالیت کے سامان کی تباہی پر انتہائی دکھ او ر افسوس کا اظہار کیا ہے۔ کشمیر میڈیاسروس کے مطابق دارالخیر نے تنظیم کے سرپرست میر واعظ عمر فاروق کی طرف سے متاثرہ خاندانوں کے ساتھ ہمدردی اور یکجہتی کا بھر پور اظہار کیا ۔
مفتی غلام رسول سامو ن کی قیادت میں دارالخیر میرواعظ منزل کا ایک وفد چھتہ بل گیا اور متاثرہ خاندانوں میں چاول ، آٹا،کمبل اور دیگر سامان تقسیم کیا ۔ تنظیم نے اپنے بیا ن میںصاحب ثروت افراد سے بھی اپیل کہ وہ متاثرین کی ہر ممکن امداد کو یقینی بنائیں۔
