مقبوضہ جموں و کشمیر
کولگام :حملے میں سابق بھارتی فوجی ہلاک، بیوی اور بیٹی زخمی
سرینگر:
غیرقانونی طورپر بھارت کے زیر قبضہ جموں وکشمیرمیں نامعلوم مسلح افراد نے آج ضلع کولگام میں حملہ کرکے ایک ریٹائرڈبھارتی فوجی ہلاک اور اسکی بیوی اور بیٹی زخمی ہو گئی ہیں ۔
کشمیر میڈیا سروس کے مطابق ایک پولیس افسر نے بتایا کہ حملے میں بیہی باغ کولگام کے رہائشی ریٹائرڈ فوجی منظور احمد وگے اپنی بیوی اور بیٹی سمیت زخمی ہو گیا ۔جنہیں زخمی حالت میں ہسپتال منتقل کیا گیا۔بعدازاںمنظور احمد زخموں کی تاب نہ لاتے ہوئے چل بسا جبکہ اس کی بیوی اور بیٹی کی ٹانگوں پر چوٹیں آئی ہیں۔ بھارتی فورسز نے حملہ آوروں کی تلاش کے لیے علاقے کومحاصرے میں لے کر گھر گھر تلاشی شروع کردی۔
