مقبوضہ جموں و کشمیر
مقبوضہ جموں وکشمیر: سڑک حادثے میں 2افراد جانبحق، 1زخمی
سرینگر :بھارت کے غیر قانونی زیر قبضہ جموں وکشمیر کے ضلع اسلام آباد میں آج ایک سڑک حادثے میں دو افراد جانبحق جبکہ ایک زخمی ہو گیا۔
کشمیر میڈیاسروس کے مطابق ضلع کے علاقے لارنو ڈکسم میں ایک لوڈ کیرئیر ڈرائیور کے قابو سے باہر ہو کر سڑک سے پھسل گیا جس کے نتیجے میں دو افراد مظفر احمد زرگر اور آصف احمد موقع پر جانبحق ہو گئے۔حادثے میں عاقب احمد نامی شہری زخمی ہو گیا جسے علاج کیلئے ہسپتال میں داخل کیا گیا۔ جانبحق ہونے والے دوافراد سرینگر کے علاقے بٹہ مالو کے رہائشی بتائے جاتے ہیں۔
پولیس نے کیس درج کر کے تحقیقات شروع کر دی ہیں
