شہریار آفریدی کا سیدعلی گیلانی کی وفات پر اظہار تعزیت

اسلام آباد 02 ستمبر (کے ایم ایس )
چیئرمین کشمیر کمیٹی شہریار خان آفریدی اسلام آباد میں کل جماعتی حریت کانفرنس آزاد جموں وکشمیر شاخ کے مرکزی سیکریٹریٹ گئے اور حریت رہنمائوں سے سید علی گیلانی کی شہادت پر تعزیت کی اور فاتحہ خوانی کی۔
کشمیرمیڈیاسروس کے مطابق شہریار خان آفریدی نے اسلام آباد میں حریت کانفرنس آزاد جموں وکشمیر شاخ کے مرکزی سیکریٹریٹ جاکر حریت رہنمائوں سے سید علی گیلانی کی شہادت پر اظہارتعزیت کیا اور بزرگ رہنماء کی بلندی درجات کیلئے فاتحہ خوانی کی۔انہوں نے حریت کانفرنس کے رہنمائوں کو سید علی گیلانی کیلئے کشمیر کمیٹی کے زیر اہتمام منعقدہ غائبانہ نماز جنازہ میں شرکت کیلئے مدعو کیا۔حریت رہنمائوں نے سیدعلی گیلانی کے غائبانہ نماز جنازہ میں بھرپورشرکت کی یقین دہانی کرائی ۔

Channel | Group  | KMS on

Subscribe Telegram | Group

| Apple