مقبوضہ جموں و کشمیر
مقبوضہ جموں وکشمیر:اسلام آباد ،جموں میں محاصرے اورتلاشی کی کارروائیاں
سری نگر:
بھارت کے غیر قانونی زیر قبضہ جموں وکشمیرمیں قابض بھارتی فورسز نے آج(اتوار) جنوبی ضلع اسلام آباد میں محاصرے اور تلاشی کی کارروائی شروع کی۔
کشمیر میڈیاسروس کے مطابق حکام نے بتایا کہ یہ آپریشن اسلام آباد کے علاقے جنگلات منڈی میں کچھ مشتبہ افراد کی موجودگی کی اطلاعات پر کیا جا رہا ہے ۔انہوں نے کہا کہ یہ جنوبی کشمیر کے اس ضلع میں گزشتہ دو روز کے دوران اس طرح کی دوسری کارروائی ہے، فورسز نے ہفتے کے روز بھی یہاں محاصرے اور تلاشی کی کارروائی کی تھی۔
دریںاثنا بھارتی فورسز نے آج جموں کے مضافات میں واقع علاقے کناچک میں بھی تلاشی آپریشن شروع کیا ۔ آپریشن میں بھارتی فوج کا سپیشل آپریشن گروپ کے علاقے پیرا ملٹری فورسز اور پولیس اہلکار حصہ لے رہے ہیں۔حکام نے بتایا کہ پورے علاقے کو گھیرے میں لے لیا گیا ہے اور بڑے پیمانے پر تلاشی مہم جاری ہے۔
