مقبوضہ جموں و کشمیر
ادھم پور میں بھارتی فورسز کی محاصرے اورتلاشی کی کارروائی
جموں: غیر قانونی طور پربھارت کے زیر قبضہ جموں و کشمیر میں بھارتی فورسز نے ضلع ادھم پور کے علاقے مجلٹا میں محاصرے اور تلاشی کی کارروائی شروع کی ہے۔
کشمیر میڈیا سروس کے مطابق آپریشن میں بھارتی فوج، پیراملٹری سینٹر ریزرو پولیس فورس اورپولیس کے اسپیشل آپریشن گروپ (ایس او جی) کے اہلکار شامل ہیں۔قابض حکام نے دعویٰ کیا کہ آپریشن کے دوران فورسز کے اہلکار فائرنگ کی زد میں آگئے جس کے بعد جھڑپ شروع ہوگئی۔انہوں نے کہا کہ علاقے میں اضافی کمک بھیج دی گئی ہے۔ آخری اطلاعات آنے تک علاقے میں فوجی آپریشن جاری تھا۔
