بجلی بحران پر قابض حکام کی بے حسی کے خلاف بڈگام میں احتجاج
سرینگر:غیرقانونی طورپر بھارت کے زیر قبضہ جموں وکشمیر میں ضلع بڈگام کے علاقے بیروہ میں خواتین نے بجلی کی طویل بندش اور سمارٹ میٹروں کی تنصیب پر جوبجلی کے بلوں میں اضافے کا سبب بنتا ہے ، قابض حکام کی بے حسی کے خلاف احتجاجی مظاہرہ کیا۔
کشمیرمیڈیاسروس کے مطابق مظاہرین نے اپنے غم وغصے کا اظہار کرنے کے لیے بیروہ ماگام سڑ ک بندکر دی اور اعلان کیا کہ وہ اپنے علاقے میں سمارٹ میٹروں کی تنصیب کی اجازت نہیں دیں گے۔احتجاج کرنے والی خواتین نے قابض حکام اورمحکمہ بجلی کے خلاف نعرے لگاتے ہوئے کہا کہ بار بار بجلی کی کٹوتی، اور سمارٹ میٹروں کے لیے دباو¿ نے خاص طور پر سخت سردی کے موسم میں ان کی مشکلات بڑھا دی ہیں۔ان کا کہنا تھا کہ بجلی کی بارباربندش سے معمولات زندگی بری طرح متاثر ہوئے ہیں جس سے گھریلو کام اور بچوں کی تعلیم پر اثرپڑرہاہے۔ مظاہرین نے خبردارکیا کہ اگر حکام نے بجلی کی باقاعدہ سپلائی بحال کرنے اور سمارٹ میٹروں کے بارے میںخدشات دور کرنے میں ناکام رہی تو احتجاج میں شدت لائی جائے گی۔
