بھارت
بھارت : اترپردیش میں جم میں جھگڑے کے بعد تین افراد کو گولی مار کر ہلاک کر دیا گیا
لکھنو: بی جے پی کے زیر اقتدارریاست اتر پردیش میں ایک جم میں جھگڑے کے بعد تین افراد کو گولی مار کر ہلاک کر دیا گیا۔
کشمیر میڈیا سروس کے مطابق پولیس نے بتایا کہ ضلع بلند شہر کے علاقے خورجا نگر میں ایک جم میں جھگڑے کے بعد تین افراد کو گولی مار کر ہلاک کر دیا گیا۔ حکام نے بتایا کہ یہ واقعہ ہفتے کی رات پیش آیا اور مرنے والوں کی شناخت30سالہ امردیپ ،28سالہ منیش اور18سالہ آکاش کے طور پرہوئی ہے۔میرٹھ کے ڈی آئی جی پولیس نے بتایاکہ جم میں لوگوں کے ایک گروپ کے درمیان کسی معاملے پر جھگڑا شروع ہوا جو تشدد میں بدل گیا۔انہوں نے کہا کہ مقامی پولیس موقع پر پہنچ گئی۔انہوں نے کہاکہ آس پاس کے علاقوں میں تلاشی لی جا رہی ہیں اور ملزمان کی گرفتاری اور سی سی ٹی وی فوٹیج کی جانچ کے لیے ٹیمیں تشکیل دی گئی ہیں۔
