World
بنگلادیش کا مکہ معاہدے میں شمولیت پر مثبت غور کا عندیہ
ڈھاکہ:بنگلادیشی وزیرِ خارجہ خلیل الرحمن نے کہا ہے کہ مکہ معاہدے کے رکن ممالک کی جانب سے شمولیت کی دعوت ملی تو ڈھاکہ اس پر مثبت انداز میں غور کرے گا۔
کشمیر میڈیا سروس کے مطابق پارلیمنٹ میں اظہارِ خیال کرتے ہوئے خلیل الرحمن نے کہا کہ بنگلادیش مکہ معاہدے کو مثبت نظر سے دیکھتا ہے، تاہم معاہدے میں شمولیت کا فیصلہ رکن ممالک کی خواہش اور دعوت سے مشروط ہے۔
بنگلادیشی وزیرِ خارجہ نے کہا کہ مکہ معاہدہ مسلم دنیا کے دفاع کا ایک طریقہ کار ہے اور مسلم ممالک کا باہمی معاملہ ہے، اس پر کسی کو تشویش کی ضرورت نہیں۔
انہوں نے کہا کہ مکہ معاہدے میں مزید ممالک کی شمولیت عالمی مسلم برادری کے دفاع کے لیے ایک اہم اقدام ثابت ہو سکتی ہے۔
