مقبوضہ جموں و کشمیر
مقبوضہ کشمیر: آگ بجھانے کے دوران دو شہری، فائر فائٹر زخمی
سرینگر15 فروری (کے ایم ایس)بھارت کے غیر قانونی زیر قبضہ جموں وکشمیر کے ضلع اسلام آباد میں گیس سلنڈر کے دھماکے سے لگی آگ پر قابو پانے کے دوران کم از کم دو شہری اور ایک فائر فائٹر زخمی ہو گئے۔
ضلع کے علاقے وتری گام وانیہامہ میں محمد اسحاق پرے کے گھر میں گیس سلنڈر پھٹنے سے آگ بھڑک اٹھی۔
آگ بجھانے کی کارروائی کے دوران دو شہری توصیف احمد اور وسیم احمد اور ایک فائر فائٹر منظور احمد جھلس کر زخمی ہو گئے۔ انہیں قریبی اسپتال میں داخل کیا گیا۔
