مقبوضہ جموں و کشمیر
سوپور: ” این آئی اے “نے آزادی پسند کارکن باسط ریشی کا گھر ضبط کر لیا
سرینگر3 مارچ (کے ایم ایس)بھارت کے غیر قانونی زیر قبضہ جموں و کشمیر میں بدنام زمانہ بھارتی تحقیقاتی ادارے ”نیشنل انویسٹی گیشن ایجنسی “(این آئی اے )نے آج سوپور قصبے میں آزادی پسند کارکن باسط احمد ریشی کے آبائی گھر کو ضبط کر لیا۔
کشمیرمیڈیاسروس کے مطابق این آئی اے نے قصبے کے علاقے یمبرزلواری شیوا ڈنگر پورہ میں باسط احمد ریشی کا گھر ضبط کیا۔
27 سالہ باسط احمد ریشی گزشتہ کئی برس سے جموں و کشمیر کے لوگوں کے حق خودارادیت کے لیے آواز اٹھا رہے ہیں۔
مقامی باشندوں نے ذرائع ابلاغ کے نمائندوں سے بات کرتے ہوئے کہا کہ این آئی اے نے جو مکان ضبط کیا ہے وہ باسط کا نہیں بلکہ انکے والد اور بھائیوں کا ہے ۔
یاد رہے کہ این آئی اے نے گزشتہ روز سرینگر کے علاقے نوہٹہ میں ممتاز آزادی پسند رہنما مشتاق احمد زرگر کا گھر ضبط کر لیا تھا۔
