مقبوضہ جموں و کشمیر
مقبوضہ جموں وکشمیر:گاندربل سڑک حادثے میں نو افراد زخمی
سرینگر15مارچ(کے ایم ایس) غیر قانونی طور پر بھارت کے زیر قبضہ جموں و کشمیر میں آج ضلع گاندربل میں ایک سڑک حادثے میں کم از کم نو افراد زخمی ہوگئے۔
کشمیرمیڈیاسروس کے مطابق ایک سرکاری عہدیدارنے بتایا کہ ضلع کے علاقے کنگن میں ایک لوڈ کیرئیر الٹ گیا جس کے نتیجے میں کم از کم نو افراد زخمی ہوگئے ۔ انہوں نے بتایا کہ زخمیوں کو فوری طور پر علاج کے لیے قریبی اسپتال منتقل کیا گیا۔ انہوں نے کہا کہ زخمیوں میں سے چھ کو مزید علاج کے لیے سرینگر کے صورہ انسٹی ٹیوٹ آف میڈیکل سائنسز بھیج دیا گیا ہے۔
