بھارت
بھارت :چھتیس گڑھ میں بھارتی پیراملٹری افسر کی خودکشی
بیجاپور19اگست(کے ایم ایس)بھارتی ریاست چھتیس گڑھ میں پیراملٹری سینٹرل ریزرو پولیس فورس کی کمانڈو بٹالین فار ریزولوٹ ایکشن (CoBRA)کوبراکے ایک انسپکٹر نے خودکشی کر لی ہے۔
کشمیر میڈیا سروس کے مطابق سینٹرل ریزرو پولیس فورس کی” کوبرا”یونٹ کے انسپکٹر صفی اخترنے ریاست کے ضلع بیجاپور میں اپنی سروس رائفل سے خود کو گولی مار کراپنی زندگی کا خاتمہ کردیا۔ بھارتی پولیس کے ایک سینئرافسرنے بتایا کہ یہ واقعہ ریاست کے دارالحکومت رائے پور سے تقریبا 400 کلومیٹر دور بیجا پور قصبے میں سی آر پی ایف کی 170ویں بٹالین کے ہیڈ کوارٹر پر پیش آیا۔سی آرپی ایف اور اس کی ایلیٹ یونٹ( CoBRA)کو نکسل وادیوں سے نمٹنے کے لئے ریاست کے جنوبی اضلاع میں بڑے پیمانے میں تعینات کیاگیا ہے۔
