بھارت
مغربی بنگال : بی ایس ایف کانسٹیبل نے خودکشی کر لی
کوککتہ:بھارتی ریاست مغربی بنگال میں بارڈر سیکورٹی فورس (بی ایس ایف) کے ایک کانسٹیبل نے خودکشی کرلی۔
کشمیر میڈیا سروس کے مطابق بھارتی بارڈر سیکیورٹی فورس کی 86 ویں بٹالیں کے کانسٹیبل 30 سالہ کنوین کمار نے مغربی بنگال کے ضلع نادیہ کے علاقے تہہٹہ میں بھارت بنگلہ دیش سرحد پر ڈیوٹی کے دوران اپنے سروس ریوالور سے خود کو گولی مار دی۔کانسٹیبل کو شدید حالت میںہسپتال منتقل کیا جہاں وہ چل بسا۔
مغربی بنگال میں حالیہ دنوں کے دوران خودکشی کا یہ دوسرا واقعہ ہے۔ قبل ازیں 48سالہ بی ایس ایف اہلکار ستیبن سنگھ نے سروس رائفل سے گولی مار کر خود کشی کی تھی۔
