مقبوضہ جموں و کشمیر
واٹس ایپ نے اکتوبر میں 20 لاکھ بھارتی اکاونٹس بلاک کر دیے
نئی دہلی 02 دسمبر (کے ایم ایس)واٹس ایپ نے کہا ہے کہ اس نے نئے آئی ٹی رولز 2021 کے تحت رواں برس اکتوبر میں 20 لاکھ سے زائد بھارتی اکاو¿نٹس بلاک کر دیے ہیں۔
کشمیر میڈیا سروس کے مطابق واٹس ایپ کو اکتوبر میں 500 بھارتی اکاﺅنٹس کے بارے میں شکایات موصول ہوئیں۔ وٹس ایپ کے ترجما ن نے کہا کہ بھارت میں اسکے 400 ملین سے زیادہ صارفین ہیں۔ یہاں یہ بات قابل ذکر ہے کہ واٹس ایپ نے صارفین کی شناخت کے حوالے سے بھارتی حکومت کے خلاف مقدمہ دائر کر رکھا ہے جس کے جواب میں بھارتی حکومت نے وٹس ایپ پر مقامی قوانین کی خلاف ورزی کا الزام لگایا ہے۔ تاہم وٹس ایپ کا کہنا ہے کہ بھارتی حکومت کی طرف سے سوشل میڈیا صارفین کے متعلق بنائے گئے قوانین غیر آئینی اور غیر قانونی ہیں۔
