مقبوضہ جموں و کشمیر
مقبوضہ جموں وکشمیر : سڑک حادثات میں دو کمسن بچیوں سمیت6افراد جان بحق
جموں: بھارت کے غیر قانونی زیر قبضہ جموں و کشمیر میں سڑک کے مختلف حادثات میں دو کمسن بچیوں سمیت چھ افراد جان بحق ہو گئے۔
کشمیر میڈیا سروس کے مطابق ضلع ریاسی کے علاقے گنجوٹے مہور میں ایک گاڑی سڑک سے پھسل کر کھائی میں گرنے سے ایک کم عمر لڑکی سمیت چار افراد جاں بحق جبکہ دو زخمی ہو گئے۔جاں بحق ہونے والوں کی شناخت 40 سالہ منظور احمد، 10 سالہ الفت جان، 42 سالہ غلام محی الدین اور 28 سالہ بشیر احمد کے نام سے ہوئی ہے۔
دریں اثنا ءسرینگر کے علاقے ظفرون کالونی پانتھا چوک کے قریب عبدالرشید ڈار نامی شخص تیز رفتار ٹپر کی زد میں آنے کے سبب جانبحق ہو گیا۔ ضلع بارہمولہ کے علاقے بانہالی بونیار میں ایک تیز رفتار ٹرک کی ٹکر سے 8 سالہ بچی رافعہ مشتاق جانبحق ہو گئی۔
