امریکہ بھارتی شہریوں اور ان کی کمپنیوں پر پابندیاں عائدکردیں
نامزد افراد کے تمام اثاثے منجمد اورسنگین قانونی کارروائی کا سامنا
واشنگٹن: امریکہ نے جعلی بحری نیٹ ورک چلانے والے بھارتی شہریوں اور ان کی کمپنیوں پر پابندیاں عائدکردی ہیں ۔
کشمیرمیڈیاسروس کے مطابق مکار مودی حکومت گورنمنٹ اور اس کی غیر قانونی تجارتی کاروائیوں کے باعث دھوکہ دہی اور فراڈ میں سرگرم بھارتی کمپنیوں پرپابندیاں عائد کی گئی ہیں۔امریکی محکمہ خزانہ نے بحری فراڈ کے ذریعے ایرانی آئل کی ترسیل پر بھارت کے غیرقانونی اور مجرمانہ نیٹ ورک کی نشاندہی کی ہے۔
امریکی محکمہ خزانہ کے مطابق بھارت میں مقیم سنیل کمار شرما اور ان کی اہلیہ جسپریت پریتی پر پابندیاں عائد کردی گئیں۔بھارتی جوڑے نے جعلی کمپنیوں کے ذریعے متعدد ممالک کے بحری اداروں کی جعلی رجسٹریشن کا نیٹ ورک قائم کر رکھا تھا۔
غیر قانونی سرگرمیوں میں ملوث جہازوں کو بین الاقوامی قوانین سے بچانے کیلئے جعلی جھنڈوں اور بحری سرٹیفکیٹس کا سہارا لیا گیا۔ امریکی محکمہ خزانہ نے سنئیل کمار شرما اورجسپریت پریتی شاہد کی ملکیت یا زیر اثر، براہ راست یا بالواسطہ کام کرنے والی کم از کم چھ بھارتی کمپنیوں پر پابندیاں عائد کی ہیں ۔پابندیوں کے تحت نامزد افراد کے امریکہ میں تمام اثاثے منجمد اورسنگین قانونی کارروائی کا سامنا ہے۔
امریکی دفتربرائے غیر ملکی اثاثہ جات کنٹرول ایران اور روس کے ساتھ غیر قانونی تجارت پر اب تک 175 سے زائد بھارتی اداروں پر پابندیاں عائد کر چکا ہے۔






