خالصتان ریفرنڈم: اٹلی میں آج پولنگ ہو رہی ہے
بریشیا، اٹلی 08مئی (کے ایم ایس)اٹلی میں آج خالصتان ریفرنڈم کے سلسلے میں ووٹنگ ہو رہی ہے۔کشمیر میڈیا سروس کے مطابق اٹلی کے شہر بریشیا میں پولنگ صبح 9 بجے شروع ہوئی جو شام 5 بجے تک جاری رہے گی۔
علیحدہ سکھ وطن کے لیے ریفرنڈم کا آغاز گزشتہ سال 31اکتوبر کو لندن سے ہوا تھا اور اب تک برطانیہ اور دیگر ممالک کے مختلف شہروں میں ہونے والی پولنگ میں دسیوں ہزار سکھوں نے حصہ لیا ہے۔اس عمل کے ذریعے بھارت کو سکھوں کے ساتھ امتیازی سلوک ختم کرنے کا سخت پیغام بھی دیاگیا۔ ریفرنڈم کے نتائج کو اقوام متحدہ اور دیگر بین الاقوامی اداروں کو پیش کیا جائے گا تاکہ بھارت میں سکھوں کے لیے علیحدہ وطن کے حوالے سے وسیع تر اتفاق رائے پیدا کیا جا سکے۔سکھوں کا علیحدہ وطن کا مطالبہ اقوام متحدہ کے چارٹر سے مکمل مطابقت رکھتا ہے اور بھارت انہیں آزادی کا پیدائشی حق حاصل کرنے سے نہیں روک سکتا۔
