سرینگر : حریت رہنماﺅں کاشہید الطاف احمد شاہ کے اہلخانہ سے اظہار یکجہتی
سرینگر13 اکتوبر (کے ایم ایس) بھارت کے غیر قانونی زیر قبضہ جموں و کشمیر میں مسلم لیگ کا ایک وفد کل جماعتی حریت کانفرنس کے شہید رہنما الطاف احمد شاہ کے اہلخانہ کے ساتھ اظہار یکجہتی کیلئے آج سرینگر کے علاقے بچھ پورہ میں انکے گھر گیا۔
وفد میں عبدالاحد پر ہ ، فاروق احمد توحیدی، ریاض احمد، بلال صدیقی، شبیر احمد ڈار اور دیگر شامل تھے۔
وفد نے سری نگر کے علاقے پنڈچک بھی گیا اور حریت رہنما سجاد گل کے والد کے انتقال پر غمزدہ خاندا ن کیساتھ تعزیت کی۔
عبدالاحد پارہ نے اس موقع پر زندگی اور موت کے فلسفے پر روشنی ڈالی اور کل جماعتی حریت کانفرنس کے چیئرمین مسرت عالم بٹ کے تعزیتی پیغامات سوگوار خاندانوں تک پہنچائے۔
دریں اثنا، جموں و کشمیر ڈیموکریٹک فریڈم پارٹی نے سری نگر میں جاری ایک بیان میں پارٹی کارکن سجاد گل کے والد عبدالحمید گل کے انتقال پر گہرے رنج و غم کا اظہار کیا۔بیان میں مرحوم کے درجات کی بلندی اور غمزدہ لواحقین کیلئے صبر جمیل کی دعا کی گئی۔
