مقبوضہ جموں و کشمیر
مقبوضہ کشمیر، بھارتی فوجیوں نے 2 کشمیری نوجوانوں کو جعلی مقابلے میں شہید کر دیا
سرینگر 10 اکتوبر(کے ایم ایس)غیرقانونی طورپر بھارت کے زیر قبضہ جموں وکشمیر میں بھارتی فوجیوں نے اپنی ریاستی دہشت گردی کی تازہ کارروائی کے دوران آج جنوبی کشمیر کے ضلع شوپیاں میں دو کشمیری نوجوانوں کو شہید کر دیا ہے ۔
کشمیر میڈیا سروس کے مطابق بھارتی فوجیوں اور پیراملٹری فورسز کے اہلکاروں نے ضلع کے علاقے آشی پورہ میں محاصرے اور تلاشی کی کارروائی کے دوران نوجوانوں کو جعلی مقابلے میں شہید کیا۔بھارتی فورسز کی جانب سے ضلع کے علاقے میں رات گئے آپریشن شروع کیاتھا۔ آخری اطلاعات آنے تک علاقے میں فوجی آپریشن جاری تھا۔ مزید تفصیلات کا انتظار ہے۔
