جموں
مقبوضہ کشمیر :قابض انتظامیہ نے کشمیری پنڈتوں کی 12 دکانیں مسمار کر دیں
جموں:
بھارت کے غیر قانونی طور پرزیر قبضہ جموں و کشمیر کے جموں خطے میں قابض انتظامیہ نے کشمیری پنڈتوں کی 12دکانوں کو مسمار کر دیا ہے۔
کشمیرمیڈیاسروس کے مطابق دکانوں کے مالکان کو پیشگی اطلاع دیئے بغیر جموں میونسپل کارپوریشن نے جموں کے نواحی علاقے مٹھی ٹائون شپ میں کشمیری پنڈتوں کی12 دکانیں مسمار کر دی ہیں۔متاثرہ دکانداروں کا کہنا ہے کہ انتظامیہ نے انکی دکانوں پر بلڈوزر چلا کر انہیں ان کے ذریعہ معاش سے محروم کر دیا ہے ۔ان کا مزیدکہنا تھا کہ انہوں نے اپنی روزی کمانے کے لیے چھوٹی دکانیں قائم کی تھیں لیکن ان کی دکانیں گراکر انہیں بے روزگار کردیاگیاہے۔
