مقبوضہ جموں و کشمیر
مقبوضہ جموں وکشمیر: معروف عالم دین ، نعت خوان غلام نبی میر انتقال کر گئے
سری نگر:بھارت کے غیر قانونی زیر قبضہ جموں وکشمیر میں معروف نعت خوان، عالم دین اور مصنف غلام نبی میر المعروف ابو طارق انتقال کر گئے ہیں۔
کشمیر میڈیا سروس کے مطابق ضلع اسلام آباد کے علاقے ڈورو شاہ آباد کے رہائشی غلام نبی میر عوامی فلاح و بہبود کے کاموں کے حوالے سے بھی جانے جاتے تھے۔
مرحوم نے حمایت اسلام کے جنرل سکریٹری کی حیثیت سے اسلامی تعلیمات کے فروغ میں اہم کردار ادا کیا۔ انہوں نے متعدد کتب بھی تصنیف کیں۔اپنے علمی کارناموں کے علاوہ وہ ایک ممتاز نعت خوان بھی تھے ۔
