مقبوضہ جموں و کشمیر
مقبوضہ کشمیرمیں سیاسی گنجائش مسلسل کم ہو رہی ہے،مہراج ملک
جموں:غیر قانونی طور پر بھارت کے زیر قبضہ جموں و کشمیر کیکٹھوعہ جیل سے رہائی کے بعد ایم ایل اے مہراج ملک نے کہا ہے کہ مقبوضہ جموں و کشمیر میں سیاسی گنجائش مسلسل کم ہو رہی ہے ۔انہوں نے نوجوانوں پرزوردیاکہ وہ اپنے حقوق کے لیے جدوجہد میں شامل ہوں ۔
کشمیر میڈیا سروس کے مطابق مہراج ملک نے کہا کہ انہیں عوامی حقوق کے لیے آواز اٹھانے پر قید کیا گیا۔ مقبوضہ کشمیر ہائی کورٹ نے حال ہی میں
کالے قانون پبلک سیفٹی ایکٹ کے تحت ان کی نظر بندی کوکالعدم قرار دیا تھا۔انہوں نے کہا کہ کشمیری نوجوانوں کا سب سے بڑا مسئلہ بے روزگاری ہے۔ انہوں نے کہاکہ لوگوں کو قید توکیا جا سکتا ہے لیکن ان کے خیالات کو نہیں روکا جا سکتا۔مہراج ملک نے مزیدکہاکہ تعلیم یافتہ افراد کو سیاست اور عوامی زندگی میں فعال کردار ادا کرناچاہیے ۔
