گرفتار
مقبوضہ کشمیر :بھارتی پولیس نے مزید تین کشمیریوں کو گرفتار کر لیا
سرینگر:
بھارت کے غیر قانونی طور پرزیر قبضہ جموں و کشمیر میں بھارتی پولیس نے کشمیریوں کے خلاف کریک ڈان جاری رکھتے ہوئے مختلف اضلاع سے مزید تین نوجوانوں کو گرفتار کر لیاہے۔
کشمیرمیڈیاسروس کے مطابق بڈگام کے علاقے ماگام میں پولیس نے مزہامہ میں ایک گھر پر چھاپہ مار کر محمد رفیق نامی کشمیری کو گرفتار کر لیا۔ پلوامہ کے علاقے اونتی پورہ میں ایک چوکی پر تعینات پولیس کی ٹیم نے ایک اور کشمیری کفایت شفیق کو گرفتار کرلیا۔شوپیاں کے علاقے بٹہ پورہ میں ایک چوکی پر پولیس پارٹی نے کھانڈے محلہ بونبازار کے رہائشی محمد اسحاق کھانڈے کو گرفتار کیا۔
