معرکہ حق پر امریکی کمیشن کی رپورٹ اور بھارت کا حقائق کے منافی بے بنیاد پروپیگنڈا بے نقاب
امریکی کمیشن کی رپورٹ میں بھارت کی شکست کا اعتراف مودی حکومت کیلئے ایک اور سبکی
اسلام آباد:
مودی حکومت اپنے گودی میڈیا کے ذریعے معرکہ حق کے بارے میں امریکی کمیشن کی رپورٹ کو توڑ مروڑ کر پیش کرنے کی ناکام کوشش کررہا ہے ۔
کشمیرمیڈیاسروس کے مطابق امریکی کانگریس میں پیش کی گئی یوایس چائنا اکنامک اینڈ سکیورٹی کمیشن کی رپورٹ میں معرکہ حق میں بھارت کے خلاف پاکستا ن کی فتح کی تصدیق کی گئی ہے ۔امریکی کانگریس رپورٹ کے مطابق 7سے10مئی کی چار روزہ جنگ میں پاکستان نے بھارت پر فتح حاصل کی۔بھارتی رافیل طیارے گرنے کے باوجود بھارت نے جھوٹا بیانیہ گھڑا مگر امریکی رپورٹ نے من گھڑت پروپیگنڈا کا پول کھول دیا، معرکہ حق میں پاکستان نے بہترین عسکری حکمت عملی سے بھارت کا غرور خاک میں ملا کر واضح برتری حاصل کی۔بھارت اپنی ہتک آمیز شکست کو چھپانے کیلئے پاکستان کی جانب سے چینی ٹیکنالوجی کے استعمال پر منفی پروپیگنڈا کر رہا ہے۔ امریکی کمیشن کی رپورٹ میں بھارت کی شکست کا اعتراف مودی حکومت کیلئے ایک اور سبکی کا باعث بن گیا ہے۔شواہد، رپورٹس اور عالمی میڈیا معرکہ حق پر پاکستانی موقف کو سچ ثابت کر رہا ہے ۔ عالمی جریدہ ” ٹی آر ٹی ” کے مطابق؛ امریکی کمیشن کی رپورٹ نے مئی میں ہونے والی جھڑپ میں بھارت کے خلاف پاکستان کی عسکری فتح کا اعتراف کیا ہے۔ٹی آر ٹی نے کہا کہ امریکی رپورٹ نے اعتراف کیا کہ7سے 10مئی کی چار روزہ جنگ میں پاکستان نے بھارت پر فتح حاصل کی، امریکی صدر ٹرمپ بھی بارہا معرکہ حق میں پاکستان کی فتح اور بھارتی طیارے مار گرائے جانے کا برملا اعتراف کرچکے ہیں۔حقیقت یہ ہے کہ معرکہ حق میں پاکستان نے ہتھیاروں کے موثر استعمال سے بھارت کو شکست دی ، شکست خوردہ مودی پاکستان کے خلاف جھوٹے پروپیگنڈا کے باعث پہلے بھی عالمی سطح پر جگ ہنسائی کا سامنا کرچکا ہے۔
