مقبوضہ جموں و کشمیر
مقبوضہ کشمیر:بھارتی فوجیوں نے بانڈی پورہ سے 2نوجوانوں کو گرفتار کرلیا
سرینگر 25اگست (کے ایم ایس)
غیر قانونی طور پر بھارت کے زیر قبضہ جموں و کشمیر میں بھارتی فوجیوں نے آج ضلع بانڈی پورہ میں2کشمیری نوجوانوں کو گرفتار کرلیا ۔
کشمیرمیڈیاسروس کے مطابق فوجیوں نے محمد یوسف اور منظور احمد نامی نوجوانوںکو ضلع کے علاقے پیتھ کوٹ میں تلاشی اور محاصرے کی کارروائی کے دوران گرفتار کیا۔
ادھر بھارتی فوجیوں ، پیراملٹری فورس اور خفیہ ایجنسیوں کے اہلکاروں نے سرینگر، کپواڑہ، بارہمولہ، بڈگام، پلوامہ، اسلام آباد، شوپیاں، کولگام، رام بن، کشتواڑ، ڈوڈہ، راجوری، پونچھ، کٹھوعہ اور سانبہ اضلاع کے مختلف علاقوں میں تلاشی کی جاری کارروائیوں کے دوران گھروں پر چھاپے مارے ۔
